(حلم نرجع بعد)

 الواجب علي محبوبي انه انساك وعلى الاحوط وجوبا انته تنساني
وحلم نرجع بعد ونصير تالي احباب ولا انه احبك وأنته تهواني
وماامسح دمعتك لو بجيت سنين واخليك بحزن وبظيمك اتعاني
جرح منك حبيبي بوسط هاي الروح شديته ونزف داويته اذاني
نادم عالتعب وانه الخسرتته هواي وعلى كثر المحبه بغدره جازاني
جنت شجره وافيلك بوكت العوز ومن فرجت عليك تكسر اغصاني
 الجرح منك عرفته ومنك عرفت الظيم ما جانت كبل هلكثر احزاني
جنت ابجي من جنت انه صغير من أطلب اكل وتاخر وماجاني
هسه الدمعه مني رأسا تطيح اذا حرف منك يلهجه لساني
شوازاني تورطت حبيتك انه شلون وكلي انه بعشرتك ياهو وازاني
يالجرحك ثلج احظني كلي بنار صرت نار وشبكته بمايه طفاني
الك لوليت تذكر من جنت نعسان ونومتك بحظني ومانمت اني
دفتر تقره بيه وجنتلك قاموس وكل حرف التلفظه جنت تقراني
يعني اني بدليلك هسه مطبوع ومن تفتح دليلك يعني تلكاني
بس مجبور اعوفك انه ونساك لان جرحك جبير بوسط وجداني
واريد امسح دمعتي وابدي من جديد واريد انساك كلش وأنته تنساني
اليخون العشره مايستاهل يعيش وذا عايش يظل لموته يتاني

مشششششكور