منتديات سيريا إكس بي | Syria Xp
عزيزي الزائر/الزائرة

مرحّباً بك في منتديات سيريا اكس بي

نأمل منك التسجيل ومشاركتنا ابداعاتك

شرح كيفيّة التّسجيل في هذا المنتدى...

لأي تسائل حول برامج المنتدى وخصوصاً الميغ33

قم بأضافتي على هذا النك > hosinking2009

يمكنك في اي وقت تحميل احدث النسخ لجوالك من موقعا الخاص بالجوال
www.xp44.tk
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

بأمكانكم دخول المنتدى من الرابط المختصر التالي www.syriaxp.tk
 
هام جداً: لمن يواجه مشكلة في باسوورد فك الضغط تفضل بالدخول

عروض ميغ33: الوان موف, نكات سورية جاهزة تدخل رومات , جيوش موبايل , بوتات, بأرخص الأسعار...ادخل لمزيد من التفاصيل


شاطر | 
 

  قصتي مع الحب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة



معلوماتاضافية
انا من : هذا العالم
الجنس : ذكر
العمر : 23
عدد المواضيع : 25
عدد المساهمات : 31

معاينة صفحة البيانات الشخصي للعضو
مُساهمةموضوع: قصتي مع الحب   الخميس أغسطس 17, 2017 12:41 pm








السلام عليكم ورحمة الله وبركاته




اليكم القصه ....
كنت اردد دائمن في نفسي مستحيل احب انسان خلف شاشه
ماكانت لي علاقه ابدا بالنت يعني ادخل النت عشان ابحاث ومواضيع بحكم دراستي للطب ولاني انسانه ماحب تضيع الوقت ..... بدات قصتي وانا كنت اتصفح النت لموضوع بحث كان مطلوب مني وانا كنت اقراء الموضوع لفت انتباهي رد من الردود اللي كانت موجوده في نفس الموضوع وكان رد هذا الشخص رد عادي مثله مثل اي رد لكنه اثر فيني هذا الرد طبعا انا اخذت اسم المنتدى وبدات اتابع ردود هذا الشخص حسيت انه انسان يحب الخير لكل الناس ..انسان طيب قلت انا لازم اعرف عن هالشخص ولاني مو من اللي يدخلون منتديات كانت لي صاحبه تحب النت فانا قلت لها ابيك تسجلين بمنتدى عجبني ابيك تشوفينه واذا اعجبك قولي لي بسجل معك المهم صاحبتي سجلت وحكت لي عن المنتدى والشخص اللي تعلق قلبي فيه انا سجلت بالمنتدى بديت احسن بدايه كان المنتدى قروبات لكن عيني كانت على هذا الانسان كنت ادخل بروفايله كل دقيقه وثانيه مره من المرات كنت انا وهو بس اللي كنا من المتواجدين تاملت بنكي ونكه وحسيت انه انسان غير عادي وانه لي جاني شعور غير طبيعي المهم كنت اتابع ردوده احيانا يقول انه حزين ومره يقول انا تعبان وكل يوم انزل موضوع عشانه اذا كان حزين نزلت موضوع عن الحزن وعلى هذا المنوال وكنت ادخل بروفايله واسلم عليه واسال عن اخباره كان يرد علي بااحترام وانا مابيني وبينه الا المنتدى يوم من الايام ارسل لي رساله خاصه يقول فيها راسلني للاهميه وحاط ايميله ولاني كنت واثقه فيه كل الثقه اضفته عندي بالمسن
سولفت معه شوي ودار بيني وبينه حوار ...
سكت ثم قال لي انتي ليش تدخلين بروفايلي كثير
قلت في قلبي لاني احبك عجزت انطقها لكن قلبي نطقها قال انا اعرف ليش قلت ببراءه ليش
قال: لانك هكر
قلت : يافلان بن فلان الفلاني انا مو هكر
قال: لحظه كيف عرفتي اسمي
قلت :لاتسالني اعرفه وبس تجادلت انا وياه والنهايه طلعت وانا ماخذه خاطري عليه بس لانه ولد عمي قلت لازم اتحمله شوي مرت الايام وكل مادخلت الماسن يسولف معي واسولف معه كنت احبه لكن هو مايدري هو شاك فيني اني ولد مو بنت لاني كنت اخفي اللي داخلي وكل مايقول ابحذفك قلت احذفني وانا بداخلي اشتعل نار مرت الايام وعرف اني احبه لكن ماكان يحبني لانه كان شاك اني بنت او ولد يلعب بمشاعره بعد شهر بالضبط في ذيك الليله كنت اسولف معه واقوله انا احبك قال لي انتي تلعبين بمشاعري انتي مو بنت انتي ولد وانا مالومه شك اني ولد لانه طلب مني الرقم وانا رفضت لاني كنت خايفه اتعلق بصوته وهو مايحبني ولان رقم جوالي مشترك بيني وبين امي ذيك الليله كان يدخل ملف التعريف حقي وشاف التوبك حقي اسم ولد هو عصب قال انت ولد ياحقير اذا فيك خير كلمني وهذا رقمي وحط رقمه وقال ابحذفك من الماسن يوم قال بحذفك من الماسن حسيتها صاعقه في قلبي انسان حبيته راح افقده مستحيل سهرت ذيك الليله مانمت وانا كانت وراي جامعه رحت للجامعه وانا تعبانه حيل وافكر ليكون بيحذفني ااااه بس تعذبت وانا افكر المهم جت في راسي خطه قلت برووح للشغالات اللي بالجامعه واشحن لها الجوال واكلم بجوالها المهم كنت خااايفه منه ومدري ايش اقول له دقيت على جواله مارد علي دقيت مره ومرتين وثلاثه يأست جيت وجلست على الكرسي وحطيت ايدي على خدي وانا اتابع دموعي وهي تنزل على الارض بعد نصف ساعه وهو يدق وقطع واتصلت انا عليه ويدي كانت ترجف وقلبي ينبض بقووه قال الو حسيت ان الكلام عجز يطلع مني بس لاني كنت متعلقه فيه قلت هذا جوال فلانه وطبعا فلانه هو انا سكت هو وانصدم شوي وسكرت الجوال وبعد ماسكرته اتصل رفعته ولاقال ولاكلمه قال لي يافلانه مدري ايش اقولك بس يشهد الله علي اني سمعت صوت في داخلي يقول انا احبك قلت له هذا مو جوالي لاتتصل فيه وسكرت المهم رجعت من الجامعه وانا حسيت اني ريحت ظميري لانه كان شاك فيني ارسل لي بالمسن ادخلي المسن الليله ودخلت قال انا اسف ظلمتك على بالي انك ولد او بنت تلعب في مشاعري قال انا حسيت في صوتك انك تبين الامان وبس كان حاس فيني انا ابتسمت وكانت ابتسامتي فيه ارهاق لكني ابتسمت ماكان يعرف اني بنت عمه لكنه عرف اني احبه قال انتي طيبه وقلبك ابيض لكن تراني بتعبك معي كثير لاني مريض قلت له انا اعرف وراح اتحملك لاني ابيك كان يسالني كثيير ليش انتي تحبيني قلت لانك غير وحبنا غير مرت الايام وبعد ثلاث شهور صرنا مانستغني عن بعض ونحب بعض وكل يوم يكبر حبنا قال لي غلاتي انا بعد شهرين عندي عمليه والعمليه خطيره شوي انا طبعا كنت متفائله جدا وكنت ادعي له كل ليله قلت له ياحبيبي لاتخاف راح تنجح العمليه وبديت اطمنه ودخلت في قلبه شي من التفائل كان همي هو بس وهو كان ماشاء الله عليه صبور بعد شهرين وقبل العمليه بيومين سولفت انا وياه قال لي حياتي انا بعد يومين يمكن راح يسوون لي عمليه قلت له راح ادعي لك لاتخاف قال بس ابسالك قبل يمكن اموت ولاااشوفك انتي من اي القبائل قلت له مو لازم هالسؤال لاني ماابيه يتعلق فيني كثير ويهمل نفسه طبعا هو زعل قال لي انتي ماتحبيني والله يصبرني انا من طلعت بالدنيا من وانا طفل وانا مريض مااحس بمراحل حياتي انتم عشتو ايام الطفوله والمراهقه وانا كل حياتي مرض وتعب والله يوم قالها دموعي ماوقفت كانت الكيبورد قدامي اهدي فيه ومافكرت في نفسي قلت له هدي نفسك ياروحي قلت له حبيبي عقالك وين تحطه قال فوق راسي قلت له واذا فسخت شماغك وين تحط عقالك قال فوق شماغي قلت يالغالي انا عقالك قال مافهمت قلت انا بنت عمك ماتمالك شعوره وبكى صح انه خلف شاشه لكني حسيت فيه قال اسف انا ظلمتك كثثير وانتي بنت عمي ماصدق انا قلت له ياحبيبي اذا ماوقفت معك بنت عمك مين يوقف معك هو استانس وطار من الفرح ليله العمليه تجادلت انا وياه لانه كان يغار علي قال ليش عندك قروب بالمنتدى فيه اولاد المهم انا قلت له اني مااحب غيرك قلت له انت زعلان علي ارسل لي صوته وياليته ماارسله لي ارسل اللي المقطع وهو يقول حبيبتي انا مو زعلان عليك بس تعبان شوي بنام وارتاح وبكره لنا لقاء انشاء الله كان يقولها وصوته رايح واحس فيه الارهاق والتعب والتضحيه .......يوم الاثنين بيوم العمليه كانت الساعه 2 بالليل قال حياتي انا محتاجك ابي اكلمك حسيت اني بموت يوم قالها لامعي رقم والجوال جوال امي قلت له والله مااقدر قال الله يسامحك وسجل خروج من الماسن انا تعبت ذيك الليله قعدت ابكي كيف اكلمه لدرجه اني ابكي بصوت مسموع لكن ماكان فيه احد عندي بالغرفه وكان موعد عمليته الساعه 7 الصباح انا تعبت نفسيا من بكره كان بالمنتدى موضوع قطع قلبي كان يقولون فيه المدير بغرفة العمليات ادعو له بالشفاء دخل العمليه الساعه 7 صباحا ومرت الساعه اللين الساعه اربع العصر ويجينا خبر انه طلع من العمليات ...تعبت حيل كيف اتواصل معه ومن يطمني عليه دخلوه العنايه المركزه واحس اني خلاااص بموت رحت اشكي لصحباتي وهن يطمنني لكن مافيه جدوى دقيت على المستشفى اللي هو منوم فيه المستشفى كان كبير لكن حبي له كان اكبر طبعا هو بديره وانا بديره يعني مااقدر اتواصل ابدا معه دقيت على المستشفى قلت بسال عن مريض قال بااي غرفه قلت ماادري لكن حولني على قسم الجراحه ومن قسم الى قسم يحولوني اللين وصلت للقسم اللي هو كان منوم فيه قبل العمليه كلمت الممرضه قلت بسالك عن فلان قالت اللحين هو بالعنايه دقي على العنايه ااااه عانيت معاناه قالو اي عنايه تبين فيه عنايه اطفال وفيه عنايه جراحه وفيه عنايه قلب وفيه وفيه وانا حسيت اني ادور على حاجه وسط بحر قلت انا لازم اكلمه دقيت وربي رحمني ووصلت للعنايه اللي منوم فيها سالت الطبيب عن حالته وطمني عليه قال هو نايم اللحين ماراح مفعول البنج المهم طلع من بكره للقسم وبعد اسبوع طلع من المستشفى واستانست وفرحت وحسيت اني بااطير من الفرح مر اسبوعين وبعد اسبوعين ارسل لي رساله قال حبيبتي انا تعبت وتحاليلي مو كويسه وراح ينوموني انا كنت واقفه وانا اقرا رسالته بالمسن جلست ومادريت عن نفسي جاني شعور صمت ودموعي تنزل وماتوقف قلبي وروحي مريض هذي مضاعفات العمليه حسيت اني ابفقده لكن املي بالله كان قووي دقيت عليه بالمستشفى وكلمته وكانت نفسيته مره تعبانه كان يساعد الناس وبالذات المرضى لكن ماوقف احد معه يوم من الايام كان يهتم بالمرضى اللي زيه لان كان مرضه مزمن حسيت بمعاناته حسيت اني مو قادره اسوي شي الا اني كنت ماانام الليل بس ادعي له وابكي قعد بالمستشفى شهر كامل وانا ماكلمته الا ثلاث ايام بس كنت اتواصل مع الاطباء والمختبر والممرضات واذا سالوني انتي ايش تقربين له قلت انا اخته تابعته متابعه ولاني كنت ادرس طب كنت اتعامل مع الاطباء بسهوله ويعطوني معلومات كافيه بس انا ماكنت اكلمه الا قليل لاني حسيت اني تعبته وخفت اني اجيب له هم هو مو ناقصه
مر شهر وطلع من المستشفى واسترد صحته ودخل الماسن وهو في قلبه عتاب علي قال حياتي انا لي شهر بالمستشفى ولافكرتي تكلمني ولو يوم قال فيه ناس كثيرين كلموني وسالو عني الا انتي .....انا مازعلت منه لاني ادري اني مقصره بااتصالي عليه لكنه ماكان يدري اني متابعه حالته كنت انا اللي اقول للاطباء سوو له تحليل وتابعو حالته حتى الممرضات كلمتهن وقلت اي وحده مسؤله عنه ابيها تدخل عليه وهي مبتسمه راقبته من بعيد وهو مايدري ......مرت الايام وتصافينا ورجع لحالته الطبيعيه وبدا على الادويه وكبرت علاقتنا وحبينا بعض اكثر حتى كان يقول لي اذا تعافيت بجي اخطبك من اهلك مرت اربع شهور حسيت ان الحب يكبر اكثر لدرجت انه لقال راسي يوجعني قعدت ابكي هو مايدري عني لكن كان يقول لي ادعي ربك اذا مالنا خير في بعض الله يفرقنا واذا مكتوبين لبعض الله يجمعنا ببعض بااسرع وقت كل يوم ادعي ربي في كل ليله ......اشتريت جوال علشانه زي جواله وقلت لصاحبتي تطلع لي رقم لكن من سوء الحظ طلعت لي رقم فاتوره بااسم اخوها انا خفت وماكلمته وشرحت له الموضوع قال سوي اللي يريحك انا حسيت كل شي يتسكر في وجهي قمت في ليله من الليالي حسيت بمعاناته ومعاناتي لانه كان يقول لي اخاف ماتكونين لي قمت في الليل قلت يارب اذا هو مو لي يارب تخليه يتحمل غيابي وتصرفه عني وتعيشه بوناسه وصحه ومن بكره وانا حسيت انه مو حبيبي اللي اعرفه نام وماسولف معي بدا يبعد عني وبدت الشكوك في راسي لانه كان يحب وحده وهذي البنت تزوجت قلت ليكون تطلقت وفكر انه يتزوجها طبعا البنات وتفكيرهن مر يوم يومين وكل مااسال عنه يقول امري وش تبين بغيت امووت احس قلبي يتقطع وهو كل ليله كل مااسال عنه يقول امري بغيتي شي قلت خلاااص انا مافيني حيل اتحمل قلت وش فيك يالغالي قال غلاتي انا امر بظرووف قلت في نفسي مر بااصعب ظروف ولاعمره يوم من الايام نام وماسال عني قلت الله يصبرني جاء اليوم الثاني وقلت اتصدق انا طبخت العشاء وانا اطبخ قلت مراح احط معه ملون الطعام لانه يضر حبيبي والله اني من زود ماافكر فيه احسبه عايش معي قال لي وش اللي تبيني اسويه انتي امري انا انصدمت من كلمته حسيت اني اتشحذه خفت على نفسي قلت توبه اسولف معه لكن المشكله اني كنت اشتاق له رغم كل شي بيننا حتى غيابه ماانقص من حبه كنت من الشووق لدخل يسولف اعاتبه وهو لويدري اني اعاتبه وانا فرحانه بوجوده معي وكل مااقول له قال مليت من لومك لي وعتابك لي انا اقراء واتحمل وقلبي والله يولع نار قال حبيبتي عيشي حياتك انا تعبان وراح اتعبك معي وانا اسمع واصبر كنت اشتاق لك وماادري ايش اللي غيره وانا والله ماكنت ادري ان كل هذا يسويه عشاني عاتبته كثير ولمته كثير لاني كنت احبه واشتاقه له احبه حيل حيل اتذكر سوالفنا كنت البس سلسال فيه حرفه وكنت ارش غرفتي وسريري بعطره كان اسم عطره ون مليون اتذكر السلسال اللي محفوظ عندي واتامله والله هالسلسال كان لونه ابيض تغير وصار فضي من دموعي اللي سالت عليه وهو كان بالمستشفى كان انسان قلبه كبير ويحب الخير للجميع يساعد الناس ولافيه يوم من الايام احد ساعده انسان طيب قلبه ابيض ضحى كثير عشاني كانت العمليه نسبة نجاحها 60 بالميه على بالي سواها عشان نفسه وهو سواها عشان يحقق لي امنيتي لانه شاك ان اهلي راح يرفضونه اذا كان مريض اكتشفت فيه اشياء مافيه شاب بوقتنا هذا يملكها كان وفي ويخاف علي كثير انا قعدت اتذكر الايام وقلت لازم اعرف ليش غاب عني ارسلت له رساله وقلت له قلبي احنا لازم نتفاهم ونشوف ايش اللي يبعدنا عن بعض كنت افكر اني انا اللي مشتاقه بس وهو مايحس لكن كان شووقه لي اكبر قال لي يابنت عمي ابشري انتي تامرين امر قعدت انا وياه نتناقش قال غلاتي انا بقولك اللي بخاطري انا احبك واغليك حيل لكن انا ماابي اعيشك بوهم وخيال حرام تعذبين نفسك انا ولد عمك واذا ماخفت عليك من اخاف عليه قال ياحبيبتي علاقتنا بتكون علاقه اخويه لاننا مانعلم احنا بنكون لبعض او انتي لغيري وانا لغيرك عيشي حياتك ومراح اتخلى عنك اذا بغيتي شي انا بكون معك وارسل لي ابتسامه ^_^ << هالابتسامه حسيت انه يبتسم بس عشاني وهو يحس بالم وتعب وشووق اكثر من شووقي يجبر نفسه عشاني ويضحي لاجلي وانا كنت افكر انه يحب غيري قال لي اذا احنا لبعض راح يجمعنا الله في بعض واذا انتي مو لي عيشي حياتك والله يسعدك ويوفقك وانا ولد عمك واذا جاء ولد يخطبك من اهلك وفيه الخير لك وافقي عليه وشاوريني وانا بقولك راي فيه وصدقيني انا ماقلت هالشي لاني مااحبك بالع*****لو انا مثل هالشباب اللي يلعب بمشاعر البنت كان خليتك ولاهميتيني ..... قلت في قلبي ياليتك ولد لعب بمشاعري والله ماابكي عشانه ولايهمني لو غاب عني لكن الخساره اني افقد انسان وفي كان لي حبيب واخو وولد عم قال ياغلاتي مراح اتخلى عنك بس عيشي حياتك واكل واحد منا ينتظر الثاني وعلى قولته مصير الحي يتلاقى لكني فقدته رغم اني ادل مكانه ........

ابيكم تقولون لي رايكم بقصتي لاتحرموني ردودكم

تحياتي لكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 

قصتي مع الحب

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سيريا إكس بي | Syria Xp :: منتدى الأعضاء | Members Fourm :: استعراض :: قسم الترحيب بالأعضاء-

تعليمات المشاركة
لاتستطيع الرد على المواضيع في هذا المنتدى


BB code متاحة للجميع
الابتسامات متاحة للأعضاء
كود[IMG] متاح للأعضاء
كود HTML متاح للأعضاء