كيف نقدر نميز بنت و شب النت عن غيرهم

في كتير شباب و بنات أكابر جداً بفوتو النت كان الي الشرف ان تعرفت عليهم و هدول الصبايا و الشباب بعتز و بفتخر فيهم و بعتبرهم أعز ناسي و منهم من حلب و طرطوس و اللاذقية و حمص و حماه و درعا و الرقة و الدير و ادلب و الشام و غيرن كتار بثق فيهم و برفع راسي بمعرفتهم
هدول الناس كان أصحابي و شفت كتار منن عالواقع و للأسف هدول الناس الأكابر هم الضايع حقهم بالنت و دوما بيوقعو بمشاكل مع مجموعه من الناس اللاأخلاقيين يلي ما تركو حدا من شرن
و هالناس اللاأخلاقيين هدول بسميهم و بيتسمو بشباب و بنات نت لأنن عبارة عن خدعة متل النت تماما

هالصفة شب او بنت نت صفة سيئة و لنشوف شو معناها

بنت النت : هي بنت متلها متل أي بنت بس بتتصرف تصرفات التالية:
عندها كتير نكات حتى تقدر تتلاعب بالشباب كلن و كل كم شب بتضيفن ع نك و نكا الاساسي نضيف و بجوز مافيه اضافات
بتضل تقول عم يعلق النت عندها علماً انك ما بتقدر تلمها من الرومات
بتضيف اصحاب الرومات و فيك تلاقيها اشراف بكل الرومات الكبيرة
بس تسألها بتقلك ما بهمني النت بس عملياً عندها هوس بالنت و الشباب
بتلاقيها قتلانة تلون نكها و بتهتم بالليفل كتير و لدرجة بتبيع كتير كرمال اللون و فهمكم كفاية
عادة بتكون بنت بتخاف كتير عاسمها و بتدعي انها حلوة و بتتصرف بنفسية
بتلاقيها دوما حبيبة لشب لفله عالي و بتستبدله بس يجي شب اعلى من لفلو او اقوى منو
بتحكي بالخاص عن مع الشباب دوماً و بتحط بيزي و بتطب معن جروبااات
و بس حدا يسألها بتقلك أنا بعرف حالي عأساس شريفة مكة و فعلا هيي بتعرف حالها
بتفضل حبيب من مدينة بعيدة لأن احتمال ابن مدينتها يفضح شو عم يحكو ههه
بتسب و بتنسب ما بيهمها لأن المافيه أصل ما بهمه شي
الاباحة عندها شي طبيعي تحديدا بس تأمن للشب علما ان هالشب بالنهاية رح يشلحها
مستحيل تعطي حبيبها الرقم الارضي لأن أساسا عم تتسلى و تنبسط بس و فهمكن كفاية و دوما عندها عدة أرقام
بدها نقط و رصيد و مية الف طلب و حرق و بدها نك و و و وخدو بقا
بترفض تحذف شباب وسخين من قائمتها حتى لو حبيبها طلب ما أساسا هيي وسخة متلن

شب النت كمان شب طبيعي بيتميز بمايلي
بقول لكل البنات بالروم اخواتي و الله أعلم شو بقلن بالخاص
بتلاقي عندو اضافات بنات بحر علما انن كلن قال اخواته هههه اخوة بالنت
بضل ساكت بالروم لتفوت شي بنت و بصير بلبل ههههه
دوما بجرب يظبط بنات سواء عندو حبيبة او لا
قاتل نفسو عالاشراف منشان يبان جخة قدام بنات الروم
بظبط عدة بنات بعدة نكات و كلن بعاد الا وحدة قريبة و فهمكن كفاية
بضل يقول برب سواقة و تكة صف السيارة و هالحكي ليسمع البنات ان عندو سيارة
بتلاقيه بيشهشق بكي بس حبيبتو تجرب تتركو بس بالواقع ما خايف الا ان يخسر بنت لسا ما لاقالها بديل
بس يتمكن من البنت بصير يهدد يتركها ليجبرها تساوي البدو اياه
بدو يفرض عليها شروط و بكرهها برفقاتها و بينسى انن رفقاته
بيشلح أي رفيق شب كرمال يطبق بنت او يحافظ عحبيبة

يلي فاكر ان هالموضوع موجه ضده فالفيه شوكة بتنخزو ..أنا من زمان بدي ساوي هالموضوع بس هلأ لاجا عبالي هههه بقا لا حدا يفكر كتير بيوجعو راسو لأن ما كل شخص دخل النت صار شب او بنت نت و أنا مستحيل اجمل او اظلم احد